2018-12-10

Aktibitate bizia izan da Durangoko Azokan Euskal Memoria Fundazioaren txokoan. Lagun asko interesatu dira gure argitalpenengatik, eta dozenaka lagunek eman diote babesa gure memoria historikoa berreskuratzeko proiektuari, babeslea eginez. Eskerrik asko egun hauetan gurekin egon zareten guztioi. 

2018-12-05

Abenduaren 22ra arte "Gogoan hartzeko izenak" argazki liburuaren erakusketa zabalik dago Markina-Xemeingo hiru leku desberdinetan: Uhagon kultur aretoan, Udaletxearen sarreran eta Kartzela Zaharrean. Euskal Memoria Fundazioaren 2017ko lan monografikoa izan da liburua. Argazkiak eta testuak Joseba Zabaltak, argazkilari iruindarrak, egin zituen. Lau urtez lana da edizioa hau eta liburuaren orrietan ehun bat biktima azaltzen dira, kasu gehienetan senide baten heriotzaren lekuan.